Congregational Christian Church Samoa Mascot Parish NSW

Ekalesia Faapotopotoga Kerisiano Samoa Mascot NSW

Worship place: 9 Shackle avenue, Kingsgrove NSW

 Leitio Fofoga Moomia o Samoa Click pe OOmi

Amatalia aso Sa 8 o Mati 2015, na faapaiaina ma faatuina aloaia i le aso Toonai 5 o Tesema 2015 ma ofi atu ai i le Pulega a Sini Saute ma le Matagaluega a Niu Sa Uelese. O le sauniga sa taita'ia e Rev. Elder Taeipo Malifa; susuga  i le Toeaina Faatonu Matagaluega NSW [Faafeagaiga EFKS Sydney], Faitauina o le Tusi Paia Rev. Tue Lemalu [Faafeagaiga EFKS Moorebank], Tatalo Rev. Fiti Semaia [Faafegaiga EFKS Condell Park] a'o le lauga sa feagai ma Rev. Litala Tuimaualuga [Faafeagaiga EFKS Prestons] mai le Pulega a Sini Saute.

 

   "O LE TAPUAIGA I LE ATUA"

Vivi'i atu ia outou i le Alii, auã e lelei o ia; e fa'avavau lava lona alofa.

Sauniga lotu i aso Sa taitasi faia i le itula e 12:30pm

Nofoaga: CPB Church, 9 Shackel avenue, Kingrsgrove NSW

 Sunday school LOTU TAMAITI 2015 click Aoga aso Sa:

O tusi ua faapipii atu ma vasega sa saunia e le Ofisa o A'oa'oga Kerisiano EFKS i lona ofisa autu i Tamaligi, Apia Samoa. Vasega Amata (3-7 yrs)V'Amata pdf, Vasega Laiti (8-10 yrs) V'Laiti pdf, Vasega Feoloolo (11-13 yrs) V'Feololo pdf, Vasega Matutua (14-16 yrs) V'Matutua pdf, Vasega Faapitoa (17-20 yrs)V'Faapitoa-Special class pdf

Youth-Junior/Autalavou laiti: Vaevae i vaega e 2:  6-12 yrs and 13-20 yrs. Every Friday 7pm-9pm, combined with Nexus Youth of Clemton Park Baptist Church, Kingsgrove NSW

Autalavou Mascot ExBanner 2016: Aofia ai sui uma o le Ekalesia e fia auai: Autalavou/Youth open

Choir/Aufaipese: E faia a'oga pese i le 3pm o le aso Toonai.

Susú ma Afio mai tatou tapua'i faatasi e faafetaia le alofa lavea'i o le Atua i lo outou soifua ma so tatou Ola, ma e talia soo se tasi ma le faaaloalo lava. 

Au mautofi o le Ekalesia 2016 

O se tala faatupu manatu e taatia ane i ou tafatafa i le mamalu o Samoa o loo autovaa mai ma aumau i Sydney NSW, faapea foi i latou o loo nopia'i ma saili manuia mo aiga, nuu, malo aemaise Ekalesia i lenei lava setete o Niu Sa Uelese.                             

Ia manatua pea 'aua ne'i galo pe tu'una le tatalo ma le toe upu a nai matua: "Le fanau e, Omai i na õ e saili manuia mo lo tatou aiga i atunuu mamao faapea so outou lumana'i, ia manatua; e lelei lava le tau tata i le moa o le ala." O lona uiga o le manaoga a nai matua, 'aua lava ne'i galo le alofa tulituliloa o le Atua i a'i tatou uma; ia õ i lotu.

Vaai mamao a nai matua, a o'o ina valaau mai lo tatou Alii ae o loo pipi'imau pea i le taumua o le vaa, o Iesu Keriso lea ma lana Talalelei; o le Alo o le Atua. Lê na auina mai e togiola oe ma a'u ma i tatou uma i lana fa'aolataga e fa'avavau, ina ia faamagalo ai a tatou agasala uma

A'o la le fai Salamo "Ierusalema e, afai e galo oe ia te a'u, ia galo lava i lo'u lima taumatau; afai ou te lê manatua oe, ia pipi'i a'e lou laulaufaiva i lo'u gutu, pe a lê faasili Ierusalema i mea uma ou te fiafia i ai" (Salamo 137: 5-6) 

"Ia Fa'asili le Atua i soo se Auaunaga" Ia faasili foi i mea uma e fiafia i ai. Motto poo le autu foi lea a le leitio Fofoga Moomia o Samoa "Ia faasili le Atua i lau Gagana"

Mo nisi faamatalaga valaau Pasefika: 04i5467180 or imeli i le: fikamaiava@gmail.com

Faatupu manatu i le tu'ualalo a nai toeai'ina i le sailiga malõ a Malietoa ma Su'a na alu ia Nafanua, sa taunuu i le faitoto'a o le nofoaga na afio ai le tupu tamaita'i o Samoa i aso o le vavau ona faapea lea: "Ta faatali ia i le manulele o le ti'otala e lele mai ma taita'iina atu ta ua ia Nafanua". Sa taunuu lea talatu'u ma le sailiga malõ pei ona molimauina i nei aso, ua tatou aeae ai nei lea manu ua ulu i le alofa silisiliese o le Atua ma faa-Talaleleiina ai tagata uma o Samoa. (Manatu ua silafia uma e Samoa le foliga o le manulele o le ti'otala, a fa'amatalaina e le aufaitofa ua atagia mai ai se faatusa o se tagata paia e fai lona pelaue; a'o lona tino lea e lanumoana. O lona fatafata e pa'epa'e; fa'atusaina o se fusiua. Mafaufauga o tuaa ma matua, atonu ai o le mea lea e faigofie ai ona silafia ma iloa se tagata paia, o le auauna ma le avefeau a le Atua, lea fo'i e vaaia lava o loo lae'iina e le tele o faifeau ma taita'i o soo se Ekalesia Samoa e o'omai lava i nei onapo.)  

Ia manuia tele le feagai ai i tiute ma faiva alofilima o le soifua auauna i soo se  feau ma galuega. 

   "Ua lê filifilia a'u e outou, a ua filifilia outou e a'u; ua ou tu'uina atu foi outou, ia outou õ, ma ia outou fua mai ni fua, ma ia tumau o outou fua; ina ia foa'iina atu ia te outou e le Tamã mea uma lava tou te ole atu ai ia te Ia i lo'u igoa" (Ioane 15:16)

 "You did not choose me but I chose you. And I appointed you to go and bear fruit, fruit that will last, so that the Father will give you whatever you ask him in my name" John 15:16

Peace be with you all - Ia outou manuia ona o Iesu.

 

Ata i lalo: Uso ma Tuafafine i le Talalelei sa matou a'otauina faatasi i le Kolisi Fa'afaifeau i Malua mai le tausaga 2011 - 2014. Faafetai le tatalo mai mo ma ua ma le toalua ma le fanau aemaise le Ekalesia fou ua amatalia. Faafetai foi i nai o ma aiga na lua (Maiava Pelesa Leota & Gogouli Pa'u Keke Matiu Family-Utualii, Lepea, Avao Safa'i & Sato'alepai Savai'i) ma le (Noa Ioane Laupepa & Faumuina Tavu'i Mulipola Family-Faatoia & Mulifanua) i soo se atunuu, faapea uo ma e masani ma soo se auauna a le Atua. Faafetai i a outou tatalo e talosia ai le galuega tau amata, e leai se manuia o ia ma ua, ae o la ma tatalo ia faamanuia atu le Atua ia te outou uma. 

 

Malua Theological College Class 2011-2014

2014 Memory

 webmaster: fikamaiava@gmail.com